Xaçmazda yol qəzası baş verib.
APA-nın şimal bürosu xəbər verir ki, Bakı şəhər sakini 21 yaşlı Ramil Balamirzəyevin idarə etdiyi “VAZ-21014” markalı nəqliyyat vasitəsi “Mercedes” markalı avtomobilə çırpılıb. Nəticədə R.Balamirzəyev hadisə yerində ölüb. Onun qəzaya düşdüyü avtomobili qaçırdığı bildirilir.
DİN-in Mətbuat xidmətinin Quba regional qrupundan APA-ya verilən məlumata görə, bu gün saat 11:35 radələrində Bakı şəhər sakini Ramil Balamirzəyev Xaçmaz rayonu ərazisində başqasına məxsus “VAZ-21043” markalı avtomobilə icazə almadan əyləşərək idarə edib. Xaçmaz-Niyazoba avtomobil yolu ilə hərəkətdə olarkən yolun sağ kənarında dayanan “Mercedes Atego” markalı yük avtomobili ilə toqquşub, nəticədə R.Balamirzəyev aldığı bədən xəsarətləri səbəbindən hadisə yerində ölüb.
Faktla bağlı Xaçmaz RPŞ-nin istintaq bölməsində cinayət işi başlanılıb, araşdırmalar davam etdirilir.
Cəfər Talıb
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
