Rusiyada vətəndaşlıq almış və hərbi qeydiyyatdan keçməmiş 30 min keçmiş miqrant saxlanılıb.
APA-nın Moskva müxbiri xəbər verir ki, bunu Rusiya İstintaq Komitəsinin sədri Aleksandr Bastrıkin bildirib.
Onun sözlərinə görə, saxlanılan 30 min keçmiş miqrantdan 10 mini artıq xüsusi əməliyyat zonasına gedib.
Bastrıkin deyib ki, Rusiyada nə qədər miqrant olduğunu dəqiq bilmir: "13 və ya 14 milyon... əhalinin sayına görə hər onuncu adam xarici vətəndaşıdır".
Bastrıkin Rusiya Federasiyasının ərazisində qeyri-qanuni qalmaya görə məsuliyyətin artırılmasını təklif etmək istədiyini söyləyib. Qeyd edib ki, bu, ağırlaşdırıcı hal olmalıdır.
"Bu cür miqrasiya siyasəti və ekstremizmin artması yolverilməzdir, bu, milli təhlükəsizliyə təhdiddir" - deyə RF İstintaq Komitəsinin sədri qeyd edib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
