"Xocalıya ədalət" kampaniyası çərçivəsində "Qarabağın səsi" aksiyasına təqdim edilən rəsm əsərlərinin seçim mərhələsi keçirilib.
APA-nın xəbərinə görə, layihənin rəhbəri Murad Qulubəyli bildirib ki, aksiyaya Azərbaycanla yanaşı, Türkiyə, Rusiya, İsrail və başqa ölkələrdən 300-yə yaxın rəsm əsəri təqdim olunub.
Onun sözlərinə görə, rəsm əsərlərinin müəllifləri üçün yaş məhdudiyyəti yoxdur: "Modern, realist, sürrealist üslubda çəkilmiş rəsm əsərləri var. Münsiflər heyəti daha təsirli əsərləri seçəcək və bu əsərlər II mərhələyə buraxılacaq".
Sonda münsiflər heyəti 100-dən çox ən yaxşı rəsm əsərinin sərgidə nümayiş olunmasını qərara alıb.
Ən yaxşı rəsm əsərlərinin müəlliflərinə sertifikatlar təqdim ediləcək.
Qeyd edək ki, ən yaxşı rəsm əsərləri fevralın 24-də Dövlət Təhlükəsizliyi Xidmətinin Mədəniyyət Mərkəzində Xocalı soyqırımının 26-cı ildönümü ilə əlaqədar keçiriləcək anım mərasimindən əvvəl nümayiş olunacaq.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
