Bakı. Cavid Zeynallı - APA. Bakı Slavyan Universitetinin rektoru, professor Asif Hacıyev Beynəlxalq Tərcüməçilər Federasiyasının (BTF) və Azərbaycan Gənc Tərcüməçilər Assosiasiyasının (AGTA) nümayəndə heyətini qəbul edib.
APA-nın məlumatına görə, rektor BSU-nun yaranma tarixi, tədris edilən dillər, tələbə və müəllim heyəti, keçirilən konfranslar barədə məlumat verib.
Universitetin Federasiya ilə əməkdaşlığa hazır olduğunu deyən A.Hacıyev qonaqları BSU-da keçirilən Beynəlxalq Konfranslarda iştirak etməyə dəvət edib.
Görüşdə BTF prezidenti Henry Liu, birinci vitse-prezident Reiner Heard, vitse-prezident Silvana Marchetti, baş katib Sabine Colombe BTF-in nümayəndə heyəti kimi iştirak ediblər. Nümayəndələr BTF-in tarixi, fəaliyyəti barədə danışaraq, BSU ilə əməkdaşlıqda maraqlı olduqlarını deyiblər.
Qeyd edək ki, görüşdə AGTA sədri İsmayıl Cəbrayılov, AGTA-nın BSU üzrə koordinatoru və eyni zamanda BSU tərcümə fakültəsinin IV kurs tələbəsi olan Fərrux Paşazadə, BSU-nun elmi işlər üzrə prorektoru Seyfəl Həsənov, Tərcümə fakültəsinin dekanı Səbinə Tarverdiyeva və Avropa dilləri kafedrasının müdiri Kifayət Hacıyeva da iştirak ediblər.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
