Sosial

Ana səhifə

Sosial

ATƏT-in Bakı ofisinin rəhbəri ADU-da mühazirə oxuyub – FOTO

ATƏT-in Bakı ofisinin rəhbəri ADU-da mühazirə oxuyub – <font color=red>FOTO </font>

22 fevral 2012 12:38 (UTC +04:00)

Bakı-APA. ATƏT-in Bakı Ofisinin rəhbəri Koray Tarqay Azərbaycan Dillər Universitetinin (ADU) Regionşünaslıq və Beynəlxalq Münasibətlər fakültəsinin tələbələri ilə görüşüb. ADU-nun mətbuat xidmətindən APA-ya verilən məlumata görə, görüşdə Regionşünaslıq və Beynəlxalq Münasibətlər fakültəsinin dekanı Məcid Əliyev, Beynəlxalq münasibətlər kafedrasının müdiri Samir Həmidov iştirak edib. Koray Tarqay Azərbaycanın ATƏT-ə üzv olmasının 20 illiyi ilə əlaqədar keçdiyi yol haqqında mühazirə ilə çıxış edib. ATƏT-in fəaliyyəti haqqında danışan Koray Tarqay hazırda ATƏT-in Bakı Ofisində 50-yə yaxın əməkdaşın çalışdığını iştirakçıların nəzərinə çatdırıb. Ofisin rəhbəri Azərbaycanın ATƏT-ə 1992-ci ildə üzv olmasına baxmayaraq, həyata keçirdiyi layihələri 2000-ci ildən etibarən gücləndirdiyini qeyd edib. Koray Tarqay ATƏT-in həyata keçirdiyi digər layihələr haqqında tələbələrə məlumat verib.
Tədbirdə çıxış edən fakültə dekanı Məcid Əliyev ofisin rəhbərinə təşəkkürünü bildirib, mühazirənin tələbələr üçün əhəmiyyətli olduğunu deyib.
Sonda tələbələrin sualları cavablandırılıb.

ADU _ ATƏT