Muğanlı-İsmayıllı-Qəbələ avtomobil yolunun genişləndirilməsi zamanı ətraf mühitə daha az zərər verilməsi ilə bağlı təhlillər aparılıb və ən yaxşı variantın mövcud yolun genişləndirilməsi olduğuna qərar verilib.
APA xəbər verir ki, bunu Muğanlı-İsmayıllı-Qəbələ avtomobil yolunun yenidən qurulması ilə bağlı növbəti ictimai dinləmədə Dövlət Ekoloji Ekspertiza Agentliyi İdarə Heyətinin sədri Mirsalam Qənbərov deyib. O bildirib ki, ətrafa mühitə təsir göstərən amillərə baxılıb və təhlil edilib.
"Ekoloji baxımdan alternativlər dəyərləndirildi və qərara gəlindi ki, ən yaxşı variant mövcud yolun genişləndirilməsidir", - deyə o qeyd edib.
İdarə Heyətinin sədri qeyd edib ki, digər istiqamətlər olsaydı, daha çox yaşıllıq götürülə bilərdi:
"Buna görə mövcud yolun genişləndirilməsinə qərar verildi".
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
