TKTA-nın istifadə etdiyi sənədlər çox kompleksdir. Asanlıqla adaptasiya olunub, dəyişilə bilən olmalıdır. Əsas məsələlərdən biri də kənar keyfiyyət təminatı sisteminin tanınmasıdır.
APA xəbər verir ki, bunu Avropa Ali Təhsil Məkanında Keyfiyyətin Təminatı üzrə Reyestr Təşkilatının (EQAR) direktoru Colin Tück Təhsildə Keyfiyyət Təminatı Agentliyinin fəaliyyətinin Avropa Ali Təhsil məkanında keyfiyyət təminatı üzrə standart və təlimatlara uyğun təşkili adlı kollegiyal məşvərət iclasında deyib.
O bildirib ki, Keyfiyyət Təminatı Agentlikləri çox zaman dəyişiklik etmək istəsələr də, qanunvericilik və kənar təlimat sənədləri tərəfindən onların işi məhdudlaşdırılır:
"Elə müddəalar qəbul olunmalıdır ki, müstəqillik təmin olunsun. Bəzən agentliklər çalışdıqları mühitin hüquqi çərçivəsini dəyişməkdə acizdirlər".
Agentliyin müstəqillik məsələsinə gəlincə isə o bildirib ki, hökumət və nazirlik təkbaşına bütün təyin olunmuş şəxslər üzərində nəzarəti özündə saxlamamalıdır.
"Əksər hallarda təyinatla bağlı son qərarı nazirlik verir. Belə hesab edirəm ki, 5 il və daha artıq çalışmış şəxslər cinayət halı olmadığı təqdirdə işindən kənarlaşdırılmamalıdır. Agentliklər müstəqil şəkildə metodologiya müəyyənləşdirməli və özü keyfiyyət təminatına nəzarət edib, hesabatı maraqlı tərəflərə təqdim etməlidirlər".
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
