22 aprel - Beynəlxalq Yer Günündə Xəzər dənizinin Sumqayıt sahilində təmizlik işləri aparılıb.
Ekologiya və Təbii Sərvətlər Nazirliyindən APA-ya verilən nazirliyin dəstəyi və "Kontakt Home" mağazalar şəbəkəsinin təşkilatçılığı ilə keçirilən aksiya zamanı sahilyanı ərazi tullantılardan təmizlənib.
Yüzdən artıq iştirakçının qoşulduğu tədbir zamanı 2 hektar sahədən 2 tondan artıq tullantı toplanıb. Ən çox tullantı toplayan iştirakçıya “Kontakt Home” tərəfindən hədiyyə verilib, müsabiqədə iştirak edənlərə mükafatlar təqdim olunub.
Tədbirin keçirilməsində məqsəd dəniz sahillərində təmizliyə riayət olunmasını təbliğ etmək, sahilyanı ərazilərin məişət tullantıları ilə zibillənməsinin qarşısını almaq və hər kəsi dəniz ətraf mühitinin mühafizəsində iştiraka cəlb etməkdir.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
