Şou-biznes

Ana səhifə

Şou-biznes

Bu gün “Eurovision-2011” mahnı müsabiqəsində Azərbaycan təmsilçisinin seçilməsi üçün milli seçimlərin növbəti yarımfinal mərhələsinə start veriləcək – FOTOSESSİYA

10 yanvar 2011 10:57 (UTC +04:00)

Bakı. Ülkər Qasımova – APA. Bu gün “Eurovision-2011” mahnı müsabiqəsində Azərbaycan təmsilçisinin seçilməsi üçün milli seçimlərin növbəti yarımfinal mərhələsinə start veriləcək. APA-nın məlumatına görə, bu gündən başlayaraq İctimai Televiziya və Radio Yayımları Şirkətinin (İTV) canlı efirində həm münsiflər heyəti, həm də tamaşaçılar qarşısında öz bacarıq və istedadlarını nümayiş etdirəcəklər.
Yanvarın 14-də finala vəsiqə qazanacaq 5 ifaçının adı məlum olacaq. Həftə ərzində Çingiz Mustafayev (sms nömrəsi 801), Nurlan Növrəsli (sms nömrəsi 802), Günay İbrahimli (sms nömrəsi 803), Nikola Barkley (sms nömrəsi 804), Arzum Xəlilova (sms nömrəsi 805), Aynişan Quliyeva (sms nömrəsi 806), İlqarə İbrahimova (sms nömrəsi 807), Eldar Qasımov (sms nömrəsi 808), İlhamə Qasımova (sms nömrəsi 809) və Nigar Camal (sms nömrəsi 810) finala çıxmaq uğrunda yarışacaqlar. Yarımfinal mərhələsində də tamaşaçılar bəyəndikləri ifaçını ona səs verməklə dəstəkləyə bilərlər. Həftənin finalında, yəni yanvarın 14-də, 50% tamaşaçıların və 50% münsiflərin səsverməsi nəticəsində 10 nəfərdən yalnız 5 nəfər finala vəsiqə qazanacaq. Azərbaycanın “Eurovision-2011” müsbaiqəsindəki təmsilçisi beş finalçı arasından ancaq münsiflərin səsverməsi ilə seçiləcək. Milli finalın fevralın ilk günlərində keçirilməsi nəzərdə tutulur.
Qeyd edək ki, “Eurovision-2011” müsabiqəsid Almaniyanın Düsseldorf şəhərində baş tutacaq. Müsabiqənin yarımfinalları mayın 10-u və 12-si, finalı isə mayın 14-də keçiriləcək.