Şou-biznes

Ana səhifə

Şou-biznes

“Qızıl qlobus”un sahibləri açıqlanıb

17 yanvar 2011 12:50 (UTC +04:00)

Bakı. Ülkər Qasımova – APA. “Facebook” sosial şəbəkəsinin qurulmasından bəhs edən “Sosial şəbəkə” adlı film “2010-cu ilin ən yaxşı filmi” nominasiyasında “Qızıl Qlobus” mükafatına layiq görülüb. APA-nın İTAR-TASS agentliyinə istinadən yaydığı xəbərə görə, bu qərar assosiasiyaya üzv olan və Holivvudda akkreditasiya olunan 90 xarici jurnalist tərəfindən verilib. “Qızıl qlobus” öz çəkisinə görə ABŞ-da “Oskar”dan sonra ikinci nüfuzlu kino mükafatı hesab edilir.

“Sosial şəbəkə” “Ən yaxşı film” mükafatı da daxil olmaqla, “Ən yaxşı rejissor”, “Ən yaxşı ssenari” və “Ən yaxşı film musiqisi” nominasiyasında qalib olub. “Oskar”ın xəbərçisi sayılan “Qızıl Qlobus”da “Ən yaxşı aktyor” mükafatını “Kralın çıxışı” adlı filmdəki roluna görə Kolin Fört alıb. Natalli Portman isə “Qara qu quşu” filmindəki roluna görə “Ən yaxşı aktrisa” mükafatına layiq görülüb.

Məşhur aktyor Al Paçino isə “Ceki tanımırsan” adlı serialdakı rolu ilə mükafat qazanıb. Gecədə məşhur aktyor Roberd De Niroya da “Ömür boyu müvəffəqiyyət” mükafatı verilib.