Şou-biznes

Ana səhifə

Şou-biznes

Bir neçə ölkə “Eurovision-2011” təmsilçisini müəyyənləşdirib - FOTO

Bir neçə ölkə “Eurovision-2011” təmsilçisini müəyyənləşdirib - <font color=red>FOTO</font>

14 fevral 2011 12:44 (UTC +04:00)

Bakı. Ülkər Qasımova – APA. Bu ilin mayında Almaniyanın Düsseldorf şəhərində keçiriləcək “Eurovision-2011” mahnı müsabiqəsində bir neçə ölkə təmsilçisinin kimliyini müəyyələşdirib. APA-nın müsabiqənin rəsmi internet saytına istinadən yaydığı xəbərə görə, Maltanı bu müsabiqədə Glen Vella təmsil edəcək. Bu ölkənin təmsilçisinin seçilməsi üçün təyin olunan münsiflər heyətində ilk dəfə olaraq azərbaycanlı tele-aparıcı Hüsniyyə Məhərrəmova da təmsil olunub. Təmsilçi, “One Life” mahnısı ilə pərəstişkarlarını və münsiflləri heyran edib. Münsiflərin və tamaşaçıların rəyi ilə Glen Vella “One Life”la Düsseldorfa bilet qazanıb.

İrlandiya “Eirovision-2011” mahnı müsabiqəsində Jedwardla təmsil olunacaq. 5 nəfər arasında aparılan seçimlərdə əkiz qardaşlar-olan Jedward 98 xalla birinci yeri qazanıb. Onlar musiqi aləmində Böyük Britaniyada keçirilən “X Mactor” musiqi yarışmasından tanınır.

Norveçi “Eurovision-2011” mahnı müsabiqəsində Stella Muanqi təmsil edəcək. “Haba Haba” mahnısını ifa edən Stella milli seçimlərdə 4 iştirakçı arasında birinci olub. Xatırladaq ki, Norveç mahnı müsabiqəsinə ötən il ev sahibliyi etmişdi. Bu il Norveç mayın 10-da yarışmanın birinci yarımfinal mərhələsində çıxış edəcək.

Növbəti təmsilçisini müəyyənləşdirən iştirakçı ölkə isə Finlandiyadır. Sözügedən ölkəni bu müsabiqədə Paradise Oskar təmsil edəcək. Finalda 10 təmsil arasından ən çox səs toplayan və təmsilçilik hüququ qazanan Paradise Oskar Düsseldorf səhnəsində “Da Da Dam” mahnısı ilə çıxış edəcək. Qeyd edək ki, 1961-ci ildən “Eurovision” müsbaiqəsində təmsil olunan Finlandiya, bu müddət ərzində elə bir dəfə “Lordi” qrupunnu təmsilçiliyi ilə birincilik qazanıb.

Belçika isə 56-cı “Eurovision” yarışmasında “Witloof Bay” qrupunun ifasında “With Love Baby” mahnısı ilə təmsil olunacaq. Qrup həm münsiflər heyəti, həm də tamaşaçıların arzusu ilə bu müsabiqədə iştirak hüququ qazanıb.
Qeyd edək ki, “Eurovision-2011” mahnı müsabiqəsinin mayın 10-u və 12-də yarımfinalları, 14-də isə finalı keçiriləcək. Builki müsabiqədə Avropanın 43 ölkəsi birincilik uğrunda mübarizə aparacaq. Azərbaycan bu müsabiqədə Eldar Qasımov və Nigar Camal dueti ilə təmsil olunacaq. Təmsilçilərimiz mayın 10-da keçiriləcək I yarımfinalda çıxış edəcək.