Şou-biznes

Şou-biznes

Daha bir neçə ölkə “Eurovision-2011” təmsilçisini seçib – FOTO

Daha bir neçə ölkə “Eurovision-2011” təmsilçisini seçib – <font color=red>FOTO </font>

28 fevral 2011 15:52 (UTC +04:00)

Bakı. Ülkər Qasımova – APA. Ötən həftə sonu “Eurovision-2011” mahnı müsabiqəsində iştirak hüququ qazanmış daha bir neçə ölkə təmsilçisini seçib. APA-nın müsabiqənin rəsmi saytına istinadən yaydığı xəbərə görə, Ukrayna təmsilçisi 19 ifaçı arasından seçilib və bu hüquq gənc Mika Nyutona nəsib olub. O, Düsseldorf səhnəsində “Angel” mahnısı ilə çıxış edəcək.

Moldovanı müsabiqədə ikinci dəfə “Zdob şi Zdub” qrupu təmsil etmək hüququ qazanıb. Qrup bu müsabiqədə şən və etnik elementlərdən istifadə olunmuş “So Lucky” mahnısını ifa edəcək.

“Eurovision-2011”də Sloveniyanı təmsil edəcək sənətçinin də adı məlum olub. Maya Keuc ölkəsini “Vanilija” mahnısı ilə təmsil edəcək. Onu Sloveniyanın Kristina Agilerası adlandırırlar. Müğənni ifasında əsasən soul, caz və bluz janrında mahnılara üstünlük verir.

Makedoniyanı müsabiqədə Vlatko Ilievski təmsil edəcək. O, Düsseldorf səhnəsində “Rusinka” mahnısını oxuyacaq.

Serbiya da “Eurovision-2011”də təmsilçisini müəyyənləşdirib. Kristina Kovac ölkəsini “Caroban” mahnısı ilə təmsil edəcək. Təmsilçilik hüququ qazanmaq üçün o, bacısı Aleksandra ilə mübarizə aparıb.

Latviya 56-cı “Eurovision” yarışmasında “Musiqq” qrupu ilə təmsil olunacaq. Qrupun ifasında Avropa tamaşaçısı “Angel In Disguise” mahnısını eşidəcək.

Estoniyanı bu müsabiqədə Getter Jaani təmsil etmək hüququ əldə edib. Onun müsabiqədə ifa edəcəyi mahnı hələ müəyyənləşməyib.

“Eurovision-2011” yarışmasında Danimarka da qrupla təmsil olunacaq. “A Friend In London” qrupu “New Tomorrow” mahnısı ilə çıxış edəcək.

Onu da bildirək ki, bir neçə gün əvvəl qardaş ölkə Türkiyəni müsabiqədə təmsil edəcək “Yüksək Sədaqət” rok qrupu ifa edəcəyi mahnını müəyyənləşdirib. “Live It Up” adlı rok üslublu mahnının bəstəkarı Kutlu Özmakinaci, söz müəllifi isə Ergün Arsaldır.

eurovision_müsabiqə