Şou-biznes

Ana səhifə

Şou-biznes

Xalq artisti Aygün Kazımova mətbuat konfransı keçirib - FOTOSESSİYA

Xalq artisti Aygün Kazımova mətbuat konfransı keçirib - <font color=red>FOTOSESSİYA</font>

04 aprel 2011 12:12 (UTC +04:00)

Bakı. Ülkər Qasımova – APA. “Qızımın adı təmizlənməlidir. Bilmirəm, onu bütün bunlardan necə qoruyum? Doğrudur, mən bu video yayılan günün səhərisi İlqarəni Moskvaya göndərmişəm. Əsəbiləşdiyim üçün deyil, İlqarəni bütün bunlardan qorumaq üçün elədim. İlqarəni belə sadəlövh böyütdüyüm üçün peşman deyiləm. Fəxr edirəm ki, qızım bütün pisliklərdən uzaqdır”. APA-nın məlumatına görə, bu sözləri Azərbaycanın xalq artisti Aygün Kazımova qızı İlqarə İbrahimovanın internetdə yayılan video-görüntüsü ilə bağlı keçirdiyi mətbuat konfransında açıqlayıb.
Aygün Kazımova bundan sonra İlqarənin bu məsələ ilə bağlı danışmayacağını diqqətə çatdırıb. Xalq artisti qalmaqallı video-görüntünün yayılmasında adı çəkilən, hazırda İstanbulda yaşayan Orxan Nəsirovun İlqarə İbrahimovadan üzr istəyəcəyini də deyib: “Yalançını mənziləcən qovarlar. Orxan Nəsirov mənə zəng vurdu və üzr istəməyə hazır olduğunu bildirdi. Orxan hazırda Türkiyədə müalicə aldığını və Azərbaycana dönən kimi İlqarədən üzr istəyəcəyini söylədi. Bu, tək Orxanın məsələsi deyil. Nicat və üçüncü şəxs də var. Mən onların üstündə qara bulud olacağam”.

Aygün Kazımova bildirib ki, qızı ilə bağlı qalmaqallı görüntünü yayanlardan biri Nicat Novruzov Bakıda yaşayır. Müğənni deyib ki, o, Nicatın artası Şahin Novruzova zəng vurub, o da oğlunun 3 gün sonra üzr istəyəcəyini bildirib: “Ancaq 3 gün sonra mən Şahin Novruzova zəng edəndə dedi ki, burada üzr istəniləsi heç bir şey yoxdur”. A. Kazımova İlqarənin sinif yoldaşlarının ünvanına bəzi ittihamlar da səsləndirib.

Vidogörüntüdə iştirak edən üçüncü şəxsin - Eyyubun barəsində isə danışmaq istəməyən A.Kazımova, əsas günahkarların Orxan Nəsirov və Nicat Novruzovun olduğunu açıqlayıb: “Bu iki nəfər İlqarə ilə eyni sinifdə, Eyyub isə paralel oxuyur. Əlbəttə, Eyyub da üzr istəməlidir. Ancaq bizim üçün əsas Orxan və Nicatın üzr istəməsidir. Mən onlardan əl çəkməyəcəyəm. Bu videoda hər şey var, cinayət, təhqir, insan hüquqlarının pozulması. Mən bu işi belə qoymayacağam. Şəxsən daxili işlər nazirinə məktub ünvanladım ki, bu vidoegörüntü yayımlanmasın. Təşəkkür edirəm ki, məni başa düşdülər. Mən anayam, qızımın taleyi məni çox narahat edir”.

A.Kazımova bu addımın qızının karyerasına mane olmaq üçün atıldığını da qeyd edib: “Onlar istədiklərinə nail oldular. İstəkləri qızımın gələcək karyerasına ləkə gətirmək idi, onu da az da olsa edə bildilər”.