Şou-biznes

Ana səhifə

Şou-biznes

Sloveniyanın Eurovision-2011 təmsilçisi Maya Keuc: “Running Scared” mahnısı qalib olmağa çox iddialıdır” – FOTO

Sloveniyanın Eurovision-2011 təmsilçisi Maya Keuc: “Running Scared” mahnısı qalib olmağa çox iddialıdır” – <font color=red>FOTO </font>

13 aprel 2011 10:31 (UTC +04:00)

Bakı. Ülkər Qasımova – APA. “Azərbaycanın builki mahnısını dinləmişəm və çox düzgün seçim olduğunu düşünürəm. Eyni zamanda “Running Scared” mahnısı qalib olmağa çox iddialıdır. Mahnınız lirik, cəlbedici və inandırıcıdır. Sizə gözəl çıxış və finalda parlamağı arzu edirəm. Siz buna layiqsiniz. Öz mahnınızla fəxr edin və hər zaman dəstəkləyin!
Düşünürəm ki, builki mübarizə çətin və maraqlı olacaq. Azərbaycana bu mübarizədə uğurlar diləyirəm”. APA-nın sözlərinə görə bu açıqlamanı, müsabiqə öncəsi Sloveniyanın Düsseldorfda keçiriləcək 56-cı “Eurovision” yarışmasında təmsilçisi Maya Keuc deyib.

Ölkə təmsilçisi Azərbaycanın müsabiqə üzrə rəsmi fan-klubu olan “Ogae Azərbaycan”a müsahibəsində deyib ki, hazırda bütün fikrini müsabiqəyə hazırlığa yönəldib: “Bütün fikirlərim II yarımfinala yönəlib. “Eurovision” Avropa ölkələri arasında ən mötəbər musiqi yarışmasıdır. Ölkəm yaxşı yer qazananda, sevinirdim, finala addımlaya bilməyəndə kədərlənirdim. Düsseldorf səhnəsində ifa edəcəyim “Vaniliya” böyük sevinc, xoşbəxtlik hissi gətirən bir mahnısıdır”.

19 yaşında olduğunu qeyd edən M. Keuc, karyerasının başlanğıcında olduğunu deyib: “Mənim musiqi karyeram hələ başlamaqdadır və qarşımda hələ böyük imkanlar açılır. 19 yaşım var və mən oxumaq və yaşamaq arzusundayam. “Eurovision - 2011” mahnı müsabiqəsindən sonra CD buraxmaq niyyətindəyəm”.

Sloveniya təmsilçisi Azərbaycana gəlmək istəyini də açılayıb və bildirib ki, promo-tur çərçivəsində mümkün olsa ölkəmizə də gələcək: “Musiqi könülün bir bayramıdır. Bunu unutmayın. O, heç bir müsabiqə çərçivəsinə sığmır. Gəlin bir yerdə Eurovision-2011-dən həzz alaq. Biz hamımız insanların bizim yanımızda olduqlarını hiss etməliyik”.