Bakı. Mübariz Aslanov – APA. Yeni Azərbaycan Partiyası (YAP) 90 saylı Ağdaş Seçki Dairəsi üzrə Milli Məclisə təkrar seçkilərdə öz namizədini irəli sürəcək.
Bunu APA-ya açıqlamasında YAP icra katibinin müavini, deputat Siyavuş Novruzov deyib. O bildirib ki, YAP rəhbərliyində bu məsələ müzakirə olunacaq və həmin dairədən namizəd irəli sürüləcək: “Bir neçə nəfər var ki, onlar arasından seçim aparılacaq. Partiya rəhbərliyinin qərarından sonra namizədin adı açıqlanacaq”.
Qeyd edək ki, Azərbaycan prezidenti İlham Əliyevin 12 aprel 2016-cı il tarixli sərəncamı ilə 90 saylı Ağdaş Seçki Dairəsi üzrə Milli Məclisə təkrar seçkilər 2016-cı il iyunun 18-nə təyin olunub.