"Hazırda publik hüquqi şəxslərin maliyyələşməsi işinə baxılır". "APA-Economics" xəbər verir ki, bunu Milli Məclisin Hüquq siyasəti və dövlət quruculuğu, İnsan hüquqları, Gənclər və idman komitəsi, Regional məsələlər və Beynəlxalq münasibətlər və parlamentlərarası əlaqələr komitələrinin birgə iclasında 2017-ci il üzrə dövlət büdcəsi layihəsinin müzakirəsi zamanı maliyyə naziri Samir Şərifov deyib.
Onun sözlərinə görə, publik hüquqi şəxslərin təsərrüfat hesabı ilə fəaliyyət göstərəcəyi nəzərdə tutulur: "Bununla əlaqədar müvafiq sənədlər qəbul ediləcək".
Nazir əlavə edib ki, QHT-lərin maliyyələşdirilməsi məsələsinə də baxılacaq.
Qeyd edək ki, müzakirə zamanı millət vəkilləri Qüdrət Həsənquliyev və Şahin İsmayılov QHT-lərə ayrılan vəsaitin az olmasına diqqət çəkiblər.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
