“Son 10 il ərzində Avropa İttifaqına üzv ölkələr və Azərbaycan, Gürcüstan, Belarus, Moldova, Ukrayna və Ermənistan arasında gücləndirilmiş əməkdaşlıq səmərəli olub. Bu əməkdaşlıq çərçivəsində vətəndaşlar üçün konkret addımlar atılıb”.
APA-nın xəbərinə görə, bu fikirlər Avropa İttifaqının (Aİ) rəsmi saytında yer alıb.
Bildirilib ki, “2020-ci il üçün 20 praktiki nəticə” adlı birgə islahat gündəminin sayəsində regionda daha güclü iqtisadiyyat qurulub, daha güclü idarəçilik, əlaqələr və cəmiyyətlər formalaşdırılıb: “Bu il mayın 14-də “Şərq Tərəfdaşlığı” proqramının 10-cu il dönümünə həsr olunmuş yüksək səviyyəli konfransda Avropa İttifaqı Komissiyasının prezidenti Jan-Klod Yunker proqramın gələcəyinə dair müzakirələrə start verib. Bu kontekstdə də Avropa İttifaqı Şurası Komissiyaya “Şərq Tərəfdaşlığı” proqramının gələcəyinə dair təkliflər irəli sürməyi tapşırıb”.
Qeyd olunub ki, oktyabrın 31-nə kimi Aİ-yə üzv ölkələr və “Şərq Tərəfdaşlığı” proqramının üzvləri, beynəlxalq təşkilatlar, beynəlxalq maliyyə institutları, gənclər, media nümayəndələri 2020-ci ildən sonra proqramın gələcəyinə dair fikirlərini bölüşməyə dəvətlidirlər.
Müşavirə tipli tədbirlər oktyabrın 31-dək Aİ və tərəfdaş ölkələrdə keçiriləcək.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
