Bakı-APA. İŞİD silahlıları Liviyada bir neçə yaşayış məntəqəsini zəbt ediblər. APA-nın “TASS”a istinadən verdiyi xəbərə görə, terrorçular Əbu Qreyn şəhərini və bir neçə kiçik yaşayış məntəqəsini tam nəzarətə götürüblər.
Yerli “Əl Vasat” nəşrinin məlumatına görə, “Misurata briqadası”nın geri çəkilməsi silahlıların uğur əldə etməsinə səbəb olub.
Məlumata görə, silahlılar hücuma keçməzdən əvvəl minalanmış avtomobillərlə misuratalıların blokpostlarını partladıblar. Partlayışlar nəticəsində xeyli sayda ölənlərin olduğu bildirilir. Şahidlərin məlumatlarına əsasən, terrorçular zəbt etdikləri ərazilərdə blokpostlar quraraq, yoldan keçən bütün avtomobilləri saxlayırlar. Polis əməkdaşları və hərbçilər terrorçular tərəfindən dərhal qətlə yetirilir.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
