Bakı-APA. Liviya rəhbərliyi neft tədarükçüsü olan ölkələrin neft hasilatının səviyyəsinin “dondurulması” təşəbbüsünə qoşulmayacaq.
APA-nın “The Wall Street Journal”a istinadən verdiyi xəbərə görə, bu barədə Liviyanın OPEK-dəki səfiri Məhəmməd Oun bildirib.
“Biz hasilatın əvvəlki səviyyəsini bərpa etməyincə, “dondurulma” ilə razılaşmayacağıq”, - deyə səfir bildirib.
Onun sözlərinə görə, neft hasilatının əvvəlki səviyyəsi bərpa edildikdən sonra Liviya bu mövzunun müzakirəsinə qayıtmağa hazır olacaq. Səfir bildirib ki, Liviyanın neft hasilatının əvvəlki səviyyəsi Müəmmər Qəddafinin hakimiyyəti dövründəki göstərici - sutkada 1,6 milyon barel hesab olunur.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
