Bakı-APA. Malidə silahlıların hücumu nəticəsində ölən BMT sülhməramlılarının sayı 6-ya çatıb.
APA-nın TASS agentliyinə istinadən verdiyi məlumata görə, fevralın 12-də sülhməramlılarının Kidal şəhərindəki düşərgəsi hücuma məruz qalıb.
Düşərgə minaatanlardan və iri çaplı silahlardan atəşə tutulub. Hücuma görə məsuliyyəti “Ənsər-əd-Din” terror qruplaşması öz üzərinə götürüb. Bu qruplaşma “Əl-Qaidə” qruplaşmasının “İslam Maqrib dövlətlərindəki” qolu sayılır.
Qeyd edək ki, Malidə hökumət qüvvələri ilə müxtəlif separatçı və radikal islamçı qruplaşmalar arasında münaqişə 2012-ci ildə başlayıb. “Ənsər-əd-Din” ekstremist qruplaşmasının silahlıları bir neçə dəfə BMT-nin Malidəki hərbi bazalarına hücum edib.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
