Misirin Sinay yarımadasında baş verən silahlı hücum nəticəsində azı on hərbçi ölüb.
APA-nın xəbərinə görə, bu barədə “Sky News Arabia” kanalı hüquq-mühafizə orqanlarındakı mənbəyə istinadən məlumat yayıb. Məlumatda bildirilir ki, Qəzza sektorunun yaxınlığındakı Rafax şəhərinin əl-Baras rayonunda partlayıcı qurğu quraşdırılmış avtomobil partladılıb.
Nəticədə 10 hərbçi ölüb. Ölən hərbçilərin arasında mayor da var. Onlarla yaralı hərbçi isə xəstəxanaya çatdırılıb.