ABŞ Ukrayna ilə “Patriot” hava hücumundan müdafiə sistemləri üçün raketlərin istehsalına lisenziya verilməsi məsələsi üzrə danışıqları davam etdirir.
APA xəbər verir ki, bu barədə ABŞ dövlət katibi Marko Rubio məlumat verib.
O, məsələnin hazırda müzakirə olunduğunu deyib. Onun sözlərinə görə, lisenziyanın verilməsi Ukraynaya raket istehsalını artırmağa imkan yarada bilər, lakin bunun üçün zavodların tikilməsi və istehsalın qurulması bir neçə il çəkəcək.
Rubio onu da qeyd edib ki, bu layihə Ukraynanın hazırda yaşadığı raket çatışmazlığını qısa müddətdə həll etməyəcək.
O, həmçinin ABŞ-ın Ukraynanın dron texnologiyalarından yararlanması ilə bağlı qarşılıqlı faydalı əməkdaşlığa açıq olduğunu bildirib.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
