Kolumbiyanın qərbində avqustun 10-da baş verən 7,4 bal gücündə zəlzələ nəticəsində ölənlərin sayı 265-ə yüksəlib.
APA xəbər verir ki, bu barədə ölkə başçısı Abelardo de la Espriella məlumat verib.
O bildirib ki, təbii fəlakət nəticəsində 496 nəfər itkin düşüb, 3 770-dən çox insan yaralanıb.
Güclü zəlzələ nəticəsində ölkə üzrə çoxsaylı yaşayış binaları, xəstəxanalar, məktəblər və digər infrastruktur obyektləri dağılıb və ya ciddi zərər görüb. “Reuters”in məlumatına görə, 9 550-dən çox ev dağılıb.
Hazırda xilasedicilər dağıntılar altında qalan şəxslərin axtarışını davam etdirirlər. Əməliyyatların kritik mərhələyə çatdığı bildirilir və itkinlərin çoxluğu səbəbindən ölənlərin sayının artacağı istisna edilmir.
Kolumbiya hökuməti zəlzələdən zərər çəkən bölgələrin bərpası üçün təcili yenidənqurma fondu yaradacağını açıqlayıb.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
