Bakı-APA. “Şəxsən mən istərdim ki, bundan sonra BMT-yə qadın rəhbərlik etsin”.
APA-nın Assosiated Press agentliyinə istinadən verdiyi xəbərə görə, bunu BMT baş katibi Pan Qi Mun bəyan edib.
“BMT-yə ilk dəfə qadının rəhbərlik etməsinin əsl zamanı gəlib. Lakin bu məndən asılı deyil”, deyə Pan Qi Mun bildirib.
Qeyd edək ki, Pan Gi Munun səlahiyyət müddəti bu il dekabrın 31-də başa çatır. BMT Təhlükəsizlik Şurası yeni baş katibin namizədliyini Baş Assambleyaya tövsiyə etməlidir.
Hazırda BMT baş katibi postuna 5-i qadın olmaqla 11 nəfər namizəddir. Bağlı qapılar arxasında keçiriləcək seçkilərin üçüncü turu avqustun 29-a təyin olunub. İlk iki raund iyulun 21-i və avqustun 5-də baş tutub. Məlumatlara görə, seçkilərdə Portuqaliyanın sabiq baş naziri, 2015-ci ilədək BMT-nin Qaçqınlarla iş üzrə Ali Komissarı olmuş Antoniu Qutyerreş liderlik edir.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
