ABŞ Senatının Kəşfiyyat komitəsi Gina Haspelin Mərkəzi Kəşfiyyat İdarəsinin (CİA) direktoru vəzifəsinə namizədliyini dəstəkləyib.
APA-nın xəbərinə görə, bu barədə komitənin sədri Riçard Burr özünün “Tviter” səhifəsində yazıb.
Komitənin 10 üzvü lehinə, 5 üzvü isə əleyhinə səs verib.
G. Haspelin namizədliyi Senatın ümumi iclasında da səsə qoyulacaq. Bu vəzifəyə təsdiqlənərsə, G. Haspel ABŞ kəşfiyyat təşkilatına rəhbərlik edən ilk qadın olacaq.