Moskva. Fərid Əkbərov - APA. Moskva vilayətinin Korolyov şəhərində Azərbaycan diasporu adından Dağlıq Qarabağda baş verən son hərbi əməliyyatlarda həlak olan şəhidlərin xatirəsinə ehsan verilib. APA-nın məlumatına görə, şəhidlərin anım mərasimi Korolyovo şəhərinin Azərbaycanlı Milli-Mədəni Muxtariyyəti tərəfindən təşkil edilib.
Anım mərasimində Rusiyadakı Azərbaycan diasporunun nümayəndələri, Birinci Qarabağ müharibəsinin iştirakçıları olmuş veteranlar iştirak ediblər.
Şəhidlərin xatirəsi bir dəqiqəlik sükutla yad edildikdən sonra dualar oxunub.
Mərasimdə çıxış edən Birinci Qarabağ müharibəsinin veteranı Fəxrəddin Üsubov bildirib ki, son döyüşlərdə həlak olan oğullarımız öz qəhrəmanlıqları ilə Azərbaycan xalqının şanlı tarixində yeni səhifə açmış oldular: "Azərbaycan öz qəhrəmanları ilə qürur duyur və onların xatirəsi əbədi olaraq könüllərdə yaşayacaq".
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
