Bakı. Türbət Bağırova - APA. Respublikaçıların prezidentliyinə namizədi Donald Tramp prezident seçkilərində qalib gələcəyi təqdirdə, apreldə Vaşinqton tərəfindən imzalanmış İqlim dəyişikliyinə qarşı mübarizə üzrə beynəlxalq sazişi ləğv edəcəyini bildirib.
APA-nın “ng.ru” saytına istinadən verdiyi xəbərə görə, D. Tramp sazişin faktiki olaraq birtərəfli olduğunu və ABŞ-a sərf etmədiyini deyib.
Onun sözlərinə görə, atmosferə ən çox istixana qazı buraxan ölkə olan Çin sənədlərdə nəzərdə tutulmuş öhdəliklərini icra etmir. “Biz İqlimlə bağlı Paris razılaşmasından imtina etmək niyyətindəyik” ,-deyə Tramp bildirib.
D. Trampın sözlərinə görə, o seçiləcəyi təqdirdə, ətraf mühitə zərər səbəbindən Obama adminstrasiyası tərəfindən dayandırılmış Keyston XL neft borusunun tikintisini dəstəkləyəcək.
Qeyd edək ki, İqlim dəyişikliyinə qarşı mübarizə ilə bağlı razılaşma BMT-nin Nyu Yorkdakı qərargahında imzalanıb. Razılaşmanı ABŞ, Rusiya və Çin də daxil olmaqla, 170 ölkənin nümayəndəsi imzalayıb.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
