Bakı - APA-Economics. Azərbaycanda müşahidə olunan məzənnə dəyişiklikləri fonunda “Baltika-Bakı”nın məhsullarının satış qiymətlərinin artırılması xəbərləri həqiqətə uyğun deyil.
Bu barədə “APA-Economics”ə şirkətdən məlumat verilib.
Şirkət öz məhsullarının buraxılış qiymətini əvvəlki səviyyədə qoruyur. Hal-hazırda şirkətin satış nümayəndələri tərəfindən mütəmadi olaraq pərakəndə satış nöqtələrinin monitorinqi həyata keçirilir və özbaşına qiymət artımının qabağı alınır.
Xırdalan şəhərində yerləşən “Baltika-Bakı” pivəbişirmə zavodu Azərbaycanın ən iri həcmli pivə istehsalçısı hesab edilir. “Baltika-Bakı” azərbaycanlı istehsalçılarına Xırdalan®, Tuborg®, Baltika 7®, Baltika 9®, Baltika Kuler® kimi brendləri təqdim edir.