Bakı. Pərviz Nuriyev - APA-Economics. Qeyri-neft məhsullarının, o cümlədən kənd təsərrüfatı və ərzaq məhsullarının ixracının artırılması məqsədilə Qazaxıstanın Aktau şəhərində logistik mərkəzin tikintisinə başlanılıb. Belə mərkəzlərin digər ölkələrdə də yaradılması nəzərdə tutulur.
“APA-Economics”in xəbərinə görə, bu barədə Nazirlər Kabinetinin 2014-cü ilin birinci yarısının sosial-iqtisadi inkişafının yekunlarına və qarşıda duran vəzifələrə həsr olunmuş iclasında iqtisadiyyat və sənaye naziri Şahin Mustafayev məlumat verib.
Ş.Mustafayev əlavə edib ki, Bakı və Abşeronda da 3 logistik mərkəz yaradılacaq: “Bakıda və Abşeronda kənd təsərrüfatı məhsullarının tədarükü, saxlanması, daşınması, ixracı və satışını təmin edəcək və tutumu 110 min ton olan 3 logistik mərkəzin və daxilində “fermer mağazaları” da fəaliyyət göstərəcək 1 “yaşıl market” kompleksinin layihələri razılaşdırılıb, tikintisi güzəştli kreditlər hesabına maliyyələşdirilib və bu ilin sonuna kimi istifadəyə veriləcək”.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
