Aqrar-sənaye kompleksi

Ana səhifə

Kənd təsərrüfatı naziri Ucarda vətəndaşlarla görüşüb - VİDEO

Kənd təsərrüfatı naziri Ucarda vətəndaşlarla görüşüb - <span style="color: red;">VİDEO

01 fevral 2014 13:52 (UTC +04:00)

Bakı – APA. Azərbaycanın kənd təsərrüfatı naziri Heydər Əsədov yanvarın 31-də Ucar rayonunda vətəndaşlarla görüş keçirib. Görüşdə Ucar, Kürdəmir, Ağdaş, Zərdab və Göyçay rayonlarının sakinləri iştirak ediblər.

Kənd Təsərrüfatı Nazirliyindən APA-ya verilən məlumata görə, görüş iştirakçıları kənd təsərrüfatı məhsulları istehsalının ayrı-ayrı sahələrində qarşıya çıxan problemlərin bütün fermerlərinin ortaq problemi olduğunu qeyd edərək bunların həlli ilə bağlı təklif və istəklərini nazirin diqqətinə çatdırmışlar.

Müraciətlər əsasən kənd təsərrüfatı məhsulları istehsalçılarına güzəştli kreditlərin verilməsi, süni mayalama ilə alınan buzov və balaqlara subsidiyaların verilməsi, yeni texnikaların alınmasına köməklik göstərilməsi, mineral gübrələrin qiymətlərinin aşağı salınması və güzəştlərin olunması, regionda torpaq analizi laboratoriyasının yaradılması, çəltik üyüdən dəyirmanın alınmasına köməklik göstərilməsi, subsidiyaların verilmə vaxtının dəyişdirilməsi, suvarma drenaj-kollektor şəbəkələrinin bərpası kimi məsələlərin həlli ilə bağlı olub.

Görüşdə kənd təsərrüfatı naziri ilə birlikdə Nazirliyin idarə və təşkilatları, tabeli qurumların rəhbərləri iştirak ediblər. Bölgə rayonlarından olan 60 vətəndaşın müraciətlərinə baxılıb. Nazir hər bir vətəndaşın müraciətinin araşdırılması və qaldırılan məsələlərin qanunvericiliyə uyğun şəkildə həlli barədə müvafiq strukturların rəhbərlərinə tapşırıqlar verib, müraciətlərin bir hissəsi isə yerindəcə həllini tapıb.