Türkiyə-Azərbaycan Parlamentlərarası Dostluq Qrupunun rəhbəri, Ədalət və İnkişaf Partiyasının (AKP) Adana millət vəkili Necdət Ünüvar 20 Yanvar hadisəsinin növbəti ildönümü ilə əlaqədar Türkiyə Böyük Millət Məclisində çıxış edib.
APA-nın məlumatına görə, N. Ünüvar deyib ki, 1990-cı ildə yaşanan faciəni tək Azərbaycan xalqı yaşamayıb: “20 Yanvarda sovet tankları Bakıya hücum çəkib, 150 nəfərə qədər insanı qətlə yetirib. Biz də bu acını hiss edirik. Türkiyə və Azərbaycanın sevinci də, kədəri də ortaqdır. Bakıda Şəhidlər Xiyabanı iki hissədən ibarətdir. Birinci hissədə Qafqaz İslam Ordusunun Bakının azadlığı uğrunda şəhid olan əsgərləri, digərində isə Azərbaycanın azadlığı uğrunda şəhid olanlardır”.
N. Ünüvar bildirib ki, hər iki ölkənin bayrağında qırmızı rəng var, bu rəng şəhidlərin qanından alınıb: “Şəhidlər olmasa, Türkiyə və Azərbaycan bu gün müstəqil olmazdı. 20 Yanvar hadisələrindən qısa müddət sonra Azərbaycan müstəqilliyini qazanıb və bu gün hamımızın qürurla bəhs etdiyi bir ölkəyə çevrilib. Təəssüf ki, Qərb dünyası 20 Yanvar faciəsini, zülmü görməyib. Hətta bu qanlı cinayətin başında duran Mixail Qorbaçova Nobel mükafatı belə verib”.
N. Ünüvar qeyd edib ki, keçmişdə yaşanan faciələr unudulmamalıdır: “Bir millət, iki dövlət kimi sevinclərimizi də, kədərlərimizi də paylaşmalıyıq. Mən 20 Yanvar şəhidlərinə rəhmət diləyirəm”.
Necdət Ünüvar: “Təəssüf ki, Qərb 20 Yanvar faciəsini görməyib, Qorbaçova Nobel mükafatı verib”
19 yanvar 2017 12:28 (UTC +04:00)
Xarici siyasət
Şimali Kipr Türk Respublikasında “Azərbaycan Beynəlxalq Mədəniyyət Mərkəzi” açılıb - FOTO
00:17
16 may 2024
Azərbaycanla Ermənistan arasında Qazaxın 4 kəndi ilə bağlı protokol imzalanıb
23:34
15 may 2024
Belarus Prezidenti Aleksandr Lukaşenko Azərbaycana dövlət səfərinə gəlib - FOTO
22:21
15 may 2024
Deputat: ATƏT-in Minsk qrupunun saxlanması üçün heç bir səbəb yoxdur
21:01
15 may 2024