Bakı – APA. ABŞ-ın Nyu-York ştatının 5 rayonunda fövqəladə vəziyyət elan edilib.
APA – nın “New York Post” nəşrinə istinadən verdiyi məlumata görə, buna ölkənin şimal-şərq sahilindəki güclü fırtına səbəb olub.
Hava şəraitinin pisləşməsi üzündən 3 mindən çox aviareys təxirə salınıb.
Hazırda Nyu-York şəhərində 450 qar təmizləyən maşın işləyir. Şəhər rəsmiləri yerli sakinlərə evlərindən çıxmamağı və şəxsi nəqliyyat vasitələrindən istifadə etməməyi məsləhət görür.