2024-cü ildə Azərbaycanın qarşılıqlı nəqliyyat xidmətləri üzrə aparılan əməliyyatların ümumi dəyəri 5.1 milyard ABŞ dolları təşkil edib.
Bu barədə “APA-Economics” Azərbaycan Mərkəzi Bankına istinadən xəbər verir.
Qeyd edilib ki, nəqliyyat xidmətlərinin 62.8%-i qeyri-rezidentlərin Azərbaycanın nəqliyyat xidmətlərindən istifadəsi ilə əlaqədar olub. Azərbaycan rezidentlərinin qeyri-rezidentlərə göstərdikləri nəqliyyat xidmətlərinin dəyəri 3.2 milyard ABŞ dolları, qeyri-rezidentlərin Azərbaycan rezidentlərinə göstərdikləri nəqliyyat xidmətlərinin dəyəri isə 1.9 milyard ABŞ dolları təşkil edib.
Bildirilib ki, dövr ərzində qeyri-neft-qaz sektoru üzrə nəqliyyat xidmətlərinin ixracı 12.8%, idxalı isə 7.5% artıb. Nəticədə nəqliyyat xidmətləri üzrə profisit 11.4% artaraq 1.3 milyard ABŞ dolları olub. Qeyd edək ki, nəqliyyat xidmətləri üzrə profisit 2023-cü ildə 1.2 milyard ABŞ dolları təşkil edib.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
