Diaspor

Ana səhifə

Diaspor

İsraildə Azərbaycanın dövlət müstəqilliyinin bərpasının 20-ci ildönümü ilə bağlı tədbir keçirilib – FOTO

İsraildə Azərbaycanın dövlət müstəqilliyinin bərpasının 20-ci ildönümü ilə bağlı tədbir keçirilib – <font color=red>FOTO</font>

14 oktyabr 2011 10:13 (UTC +04:00)

Tədbir Azərbaycanın Diasporla İş üzrə Dövlət Komitəsinin dəstəyi ilə “Azİz” İsrail-Azərbaycan Beynəlxalq Assosiasiyası tərəfindən təşkil olunub. Diasporla İş üzrə Dövlət Komitəsinin mətbuat xidmətindən APA-ya verilən məlumata görə, əslən Azərbaycandan olan və hazırda İsraildə yaşayan 600-dək insanın iştirak etdiyi tədbirin keçirildiyi “Auditorium” Konqresinin foyesində Frida Yusupova tərəfindən azərbaycanlıların və dağ yəhudilərinin məişəti və xalq sənətinə həsr olunmuş geniş etnoqrafik sərgi təşkil olunub. Azərbaycan mənşəli rəssamların rəsmləri nümayiş etdirilib.

Tədbirdə çıxış edən Knessetin deputatı, İsrail-Azərbaycan Parlamentlərarası qrupun sədri Robert İlatov Azərbaycan xalqını müstəqillik bayramı münasibətilə təbrik edib: “Azərbaycan xalqı müstəqillik illərinə qazandığı nailiyyətləri ilə fəxr edə bilər. Bu gün Azərbaycan Cənubi Qafqazın geosiyasi və geoiqtisadi lideridir”.
İsrailli deputat Azərbaycanda həmişə olmuş və indi də mövcud olan əsl milli və dini tolerantlıqla qürur duyduğunu bəyan edib: “Azərbaycan və İsrail – bir-birini anlayan və qiymətini bilən strateji tərəfdaşlardır, iki ölkə arasındakı ticarət dövriyyəsi isə bizim tərəfdaşlığımız və əməkdaşlığımızın güzgüsüdür”.

“Azİz” İsrail-Azərbaycan Beynəlxalq Assosiasiyasının İdarə Heyətini üzvü, Azərbaycan Mədəniyyət Mərkəzinin direktoru Yeganə Salman Azərbaycanın dövlət müstəqilliyinin əldə olunmasının tarixi barədə məlumat verib. O Azərbaycan dövlətçiliyinin möhkəmlənməsində diasporun xüsusi rol oynadığını qeyd edib: ““Azİz”in fəaliyyət göstərdiyi 4 il ərzində biz Azərbaycanın İsrail dövlətində təbliğ olunmasında mühüm rol oynayıb. Bu işdə Knessetin 17-ci çağırışının deputatı, bir qədər əvvəl İsrailin Belarusdakı səfiri vəzifəsinə təyin olunmuş İosif Şaqalın xüsusi xidmətləri olub”.

“Azİz” İsrail-Azərbaycan Beynəlxalq Assosiasiyasının əsasını qoyan, Knessetin 17-ci çağırışının deputatı, İsrailin Belarusdakı səfiri İosif Şaqalın çıxışı alqışlarla qarşılanıb. İosif Şaqal Bakı və Azərbaycana məhəbbətindən, Azərbaycan torpağına qırılmaz tellərlə bağlı olmasından danışıb. Tədbirdə “Azİz” İsrail-Azərbaycan Beynəlxalq Assosiasiyasının baş direktoru Lev Spivak Heydər Əliyev Fonduna, Rusiya Azərbaycanlı Gənclər Təşkilatına, “Baku” jurnalına tədbir iştirakçılarının hamısına tematik materiallar təqdim etdiklərinə görə təşəkkürünü bildirib.

L.Spivak, həmçinin Azərbaycanın Müstəqilliyinin 20-ci ildönümünə həsr olunmuş İsrail estrada ifaçılarının Azərbaycan dilində ifa etdikləri mahnılardan ibarət hədiyyə-diskinin hazırlanmasında göstərdikləri köməyə görə “Şelomi” Mədəniyyət Mərkəzinə və “Mirvori” Nəşriyyat Evinə də təşəkkür edib.

Tədbirdə Azərbaycanın xalq artisti Flora Kərimovanın ifası da dinlənilib.

Azərbaycan _ İsrail