Diaspor

Ana səhifə

Diaspor

İsveç Azərbaycanlıları Konqresi: Dağlıq Qarabağ münaqişəsinə dair qətnamənin İsveç parlamentin gündəliyindən çıxarılması barədə ermənilərin yaydığı məlumat yalandır

12 noyabr 2011 08:24 (UTC +04:00)

Bu barədə APA-ya İsveç Azərbaycanlıları Konqresindən məlumat verilib.
Konqres üzvlərinin, xüsusilə də qətnamə müəllifi Mehmet Kaplanın yazdığı məktublar və keçirdikləri çoxsaylı görüşlər nəticəsində İsveç parlamenti münaqişə ətrafında yaranmış vəziyyəti nəzərə alaraq Qağlıq Qarabağ konfliktinə dair qətnamə layihəsini gündəlikdə saxlayıb.
İsveç Azərbaycanlıları Konqresi rəsmi fəaliyyətə başladığı bir il ərzində ölkənin ictimai təşkilatları ilə qurduğu daimi əlaqələr nəticəsinə İsveç kütləvi informasiya vasitələri və parlamentində erməni lobbisinin Azərbaycanla bağlı yanlış məlumat yayması cəhdlərinin qarşısını ala bilib.
Konqres üzvləri İsveç İctimai Radiosuna verdikləri müsahibədə Azərbaycanda etnik və dini təmizləmə siyasəti yürüdüldüyünə dair erməni icmasının yalan məlumatları tam ifşa ediblər. Qeyd edək ki, bu, Azərbaycan icması nümayəndələrinin İsveç KİV-ə verdiyi ilk müsahibədir.
Konqresin sədri Emil Mirzəyevin sözlərinə görə, digər diaspor təşkilatlarımızın İsveç Azərbaycanlıları Konqresinin işinə dəstək vermək əvəzinə icmanı parçalaması İsveç cəmiyyəti daxilində Azərbaycan lobbisinin daha irimiqyaslı layihələr həyata keçirməsinə imkan vermir: “Konqresin işinin effektsiz olduğunu iddia etməklə İsveçdəki Azərbaycan diasporunun bəzi nümayəndələri yalnız özlərinə zərər vurur, bununla da İsveç cəmiyyətində Azərbaycan və Dağlıq Qarabağ münaqişəsi barədə obyektiv fikir formalaşdırılması prosesini ləngidirlər”.