Diaspor

Ana səhifə

Diaspor

Kiyevdə Ukrayna Azərbaycanlı Gənclər Birliyinin 2-ci forumu keçirilib - FOTO

Kiyevdə Ukrayna Azərbaycanlı Gənclər Birliyinin 2-ci forumu keçirilib - <font color=red>FOTO</font>

02 dekabr 2011 14:06 (UTC +04:00)

Bakı-APA. Kiyevdə Ukrayna Azərbaycanlı Gənclər Birliyinin 2-ci forumu keçirilib. Birlikdən APA-ya verilən məlumata görə, Azərbaycan və Ukraynanın hökumət rəsmilərinin qatıldığı forumda Ukraynanın müxtəlif vilayət və şəhərlərindən 500 nəfər gənc iştirak edib. Forumu Ukrayna Azərbaycanlı Gənclər Birliyinin sədri Anar Tahirov açaraq rəhbərlik etdiyi qurumun fəaliyyəti haqqında məlumat verib.

Qeyd edilib ki, bir il yarım bundan öncə fəaliyyətə başlayan birliyin Ukraynanın 19 vilayətində regional təşkilatları yaradılıb, 7 mindən çox üzvü var.

Forumda çıxış edən Azərbaycanın Ukraynadakı səfiri Eynulla Mədətli qısa bir zamanda təşkilatlanaraq Ukraynada Azərbaycan mədəniyyətinin əsl təbliğatçılarına çevrilən Ukrayna Azərbaycanlı Gənclər Birliyinə gələcək işlərində uğurlar arzulayıb.

Rusiyadakı Azərbaycan gənclər təşkilatının idarə heyətinin üzvü Emin Hacıyev Rusiya Azərbaycan Gənclər Təşkilatının sədri Leyla Əliyevanın Ukrayna forum iştirakçılarına ünvanladığı təbrik məktubunu oxuyub.
Sonra birliyin Dnepropetrovsk, Nikolayev, Odessa, Krım və digər vilayət təşkilatlarının hesabatları dinlənilib. Forumda İdman və Gənclər nazirinin müavini İntiqam Babayev, Prezident Administrasiyası beynəlxalq əlaqələr şöbəsinin sektor müdiri Həsən Məmmədzadə, Ukrayna Ali Radasının deputatı Andrey Pinçuk, Azərbaycan Dövlət Neft Şirkətinin Ukrayna nümayəndəliyinin rəhbəri Elçin Məmmədov, “İRƏLİ” İctimai Birliyinin sədri, millət vəkili Ceyhun Osmanlı, ASAİF-in sədri Orxan Əkbərov, o cümlədən Diasporla İş Üzrə Dövlət Komitəsinin gənclərlə iş şöbəsinin müdiri Vagis Seyidbəyli, Ukrayna azərbaycanlıları Konqresinin ali məclisinin sədri Akif Gülməmmədov, Dnepropetrovsk konqresinin sədri Qüdrət Hacıyev və digər qurumların nümayəndələri çıxış edərək, Ukraynada yaşayan azərbaycanlı gənclərin bu ölkənin ictimai, siyasi, elm, mədəni, sosial-iqtisadi həyatına inteqrasiya olunmalarında forumun müstəsna əhəmiyyətindən danışıblar.
Azərbaycan və Ukrayna prezidentlərinə forum iştirakçıları adından müraciət qəbul olunub.

Sonra forum iştirakçıları Heydər Əliyevin Kiyev şəhərindəki abidəsini ziyarət edib, Ukrayna parlamentində təşkil olunmuş Azərbaycan və Ukraynanın strateji əməkdaşlığının inkişafında gənclərin rolu mövzusunda dəyirmi masaya qatılıblar.

Ukrayna _ Gənclər Birliyi