Diaspor

Ana səhifə

Diaspor

Azərbaycanlı siyasi məhbus Tehranın baş prokuroruna məktub yazıb

17 dekabr 2011 15:30 (UTC +04:00)

Bakı. Könül Cəfərli – APA. İranın paytaxtı Tehran şəhərindəki Evin zindanının 350-ci bölümündə saxlanılan "Babək Xürrəmdin" ləqəbiylə tanınan blogger, azərbaycanlı siyasi məhbus Hüseyn Rövnəqi Maliki bu şəhərin baş prokuroru Abbas Cəfər Dövlətabadiyə məktub yazıb.

APA-nın məlumatına görə, böyrəklərdəki ağrılardan əziyyət çəkdiyini yazan Hüseyn Rövnəqi Maliki səhhətinin ağırlaşdığını, bu səbəbdən də zəmanətlə azadlığa çıxmaq üçün istənilən məbləği ödəməyə hazır olduğunu bildirib. O, müraciətində məhkəmələrin ədalətsiz qərarları, təzyiqlərə məruz qalan siyasi məhbusların ağır şəraitdə saxlanılması haqqında da yazıb: “Sizə əvvəllər bir neçə dəfə məktub yazsam da, cavab almamışam. Böyrəklərimin müalicəsi üçün tibbi buraxılış almağım qadağan edilib, siyasi məhbusların insan hüquqları kobud şəkildə pozulur və təzyiqlərə məruz qalırlar. Bunlara etiraz olaraq 2011-ci ilin dekabrın 10-da həbsimin ikinci ilində, məhz Beynəlxalq İnsan Hüquqları Günü aclıq aksiyasına başlamışam”.