Diaspor

Ana səhifə

Diaspor

Benilüks Azərbaycanlıları Konqresinin III qurultayı keçirilib - FOTO

Benilüks Azərbaycanlıları Konqresinin III qurultayı keçirilib - <font color=red>FOTO</font>

19 dekabr 2011 08:24 (UTC +04:00)

Diasporla İş üzrə Dövlət Komitəsindən APA-ya verilən məlumata görə, qurultayı açan BAK-ın fəxri sədri Sahil Qasımov Niderlandı, Belçikanı və Lüksemburqu əhatə edən BAK-ın 2006-cı ildən fəaliyyət göstərdiyini diqqətə çatdırmış, və onun bu ölkələrdəki Azərbaycan diasporunun təşkilatlanmasında xüsusi əməyi olduğunu vurğulayıb. Toplantıda Azərbaycanın Dövlət himni səslənib, BAK-ın 5 illik fəaliyyətindən bəhs edən sənədli film nümayiş etdirilib.

Konqresin sədri Elsevər Məmmədov hesabat məruzəsi ilə çıxış edərək bildirib ki, “2 il ərzində Azərbaycan həqiqətlərinin Benilüks ölkələrinin ictimaiyyətinə çatdırılması istiqamətində xeyli iş görülüb. Azərbaycanın birinci xanımı, UNESCO və İSESCO-nun xoşməramlı səfiri, Heydər Əliyev fondunun prezidenti Mehriban Əliyevanın təşəbbüsü ilə Amsterdam və Rotterdam şəhərlərində azərbaycanlı uşaqlar üçün həftəsonu məktəbləri açılmış, şagirdlər dərslik və dərs ləvazimatları ilə təmin olunublar.
Təşkilatımız Xocalı faciəsini ildönümü, Dünya Azərbaycanlılarını həmrəylik günü, Rotterdamda Bakı küçəsinin açılışında fəal iştirak edib. BAK-ın dəvəti ilə Azərbaycan Milli Elmlər Akademiyasının tanınmış tarixçi alimləri ilə görüşlər keçirilib, - Elsəvər Məmmədov bildirib. Təşkilat rəhbəri Benilüks ölkələrində ermənilərin Azərbaycana qarşı təxribatlarının qarşısının alındığını da qurultay iştirakçılarının diqqətinə çatdırılıb. E. Məmmədov bildirib ki, Azərbaycan prezidenti İlham Əliyevin fərmanına əsasən cari ilin iyul ayında BAK-ın fəxri sədri Sahil Qasımovun “Tərəqqi medalı” ilə təltif edilməsi BAK-ın fəaliyyətinə verilmiş qiymət kimi başa düşülməlidir.

Azərbaycanın Niderland Krallığındakı səfiri Fuad İsgəndərov öz çıxışında qeyd edib ki, Dünya Azərbaycanlılarının III qurultayında prezident İlham Əliyev strateji xarakter daşıyan proqramla çıxış edib və xarici ölkələrdə fəaliyyət göstərən səfirliklərə diaspor təşkilatları ilə sıx əlaqə qurmağı və onların fəaliyyətlərinə dəstək vermək barədə tapşırıq verib: “Eyni zamanda prezident İlham Əliyev öz çıxışında diaspor təşkilatlarına da müəyyən tövsiyələr verib. Bu tövsiyələri gündəlik fəaliyyətlərində əldə rəhbər tutan Benilüks Azərbaycanlıları Konqresinin Azərbaycanda baş verən hadisələri düzgün və dolğun şəkildə Benilüks məkanında çatdırılması istiqamətində gördüyü işlər yüksək qiymətləndirilməlidir”.

F. İsgəndərov deyib ki, BAK artıq Azərbaycanın xarici siyasətinin Avropada həyata keçirilməsinə öz dəstəyini göstərməyə başlayıb.

Səfir Benilüks Azərbaycanlıarı Konqresinin təşkil etdiyi tədbirlərə artıq azərbaycanlılarla, qardaş türk təşkilatları və digər ölkələrin diaspor icmaları ilə yanaşı hollandların cəlb edilməsini müsbət hal kimi qiymətləndirib, Rotterdamda Bakı küçəsinin açılışında şəhər merinin və digər rəsmilərinin iştirakını buna misal gətirib.

Diaspor təşkilatlarının qarşısında duran əsas məsələ kimi F. İsgəndərov yaşadıqları ölkənin cəmiyyətinə inteqrasiyasının vacibliyini diqqətə çatdırıb və bunun Hollandiyada uğurla həyata keçdiyini vurğulayıb.

Diasporla İş üzrə Dövlət Komitəsinin Qərbi Avropa şöbəsinin müdir müavini Elnur Əliyev Komitə sədri Nazim İbrahimovun qurultaya təbrik məktubunu oxuyub. Məktubda Benilüks Azərbaycanlıları Konqresinin ötən beş il ərzindəki fəaliyyəti yüksək qiymətləndirilib. Qurultayda BAK-ın yeni İdarə Heyətinin 20 nəfərdən ibarət üzvü seçilib, Sahil Qasımov BAK-ın yeni sədri seçilib.

BAK-ın yeni seçilmiş sədri Sahil Qasımov təşkilatın yalnız Niderland, Belçika və Lüksemburq ölkələrini deyil, öz məkanından çıxaraq digər dövlətləri də əhatə etdiyini vurğulayıb. O, Azərbaycan həqiqətlərini, Ermənistan-Azərbaycan, Dağlıq Qarabağ münaqişəsini və Xocalı faciəsini bütün dünyaya çatdırmaqda BAK-ın xüsusi rol oynadığını, bu istiqamətdə lobbi fəaliyyətini davam etdirəcəyini bəyan edib.

Benilüks _ QURULTAY