Diaspor

Ana səhifə

Diaspor

Moskvada Azərbaycan sahibkarları tərəfindən “SET Schools beynəlxalq təhsil mərkəzi” layihəsi çərçivəsində inşa edilmiş uşaq bağçasının təntənəli açılış mərasimi keçirilib- FOTOSESSİYA

25 dekabr 2011 03:46 (UTC +04:00)

APA-nın Moskva müxbirinin verdiyi məlumata görə, “SET Schools beynəlxalq təhsil mərkəzi” layihəsi Azərbaycan diasporunun nümayəndələri, Moskvada Azərbaycanlıların Mədəniyyət və Həmrəylik Mərkəzinin üzvləri tərəfindən həyata keçirilib. 70-dən çox uşaq üçün nəzərdə tutulmuş bu bağçada təlim Azərbaycan, rus və ingilis dillərində aparılacaq.

Uşaq bağçasının icraçı direktoru Yelena Kanareykina çıxışında bir çox ailənin ehtiyac duyduğu məktəbəqədər müəssisənin yaradılmasına görə Azərbaycan səfirliyinə və sahibkarlarına minnətdarlığını bildirib.

Polad Bülbüloğlu çıxışında Azərbaycan diasporunun nümayəndələri tərəfindən yeni uşaq bağçasının açılmasının çox əhəmiyyətli hadisə olduğunu söyləyib: “Bu ölkəmizin və azərbaycanlıların imicini daha yüksək pilləyə qaldırır. Layihənin təşəbbüsünün və həyata keçirilməsinin özü hər cür alqışa layiqdir. Üstəlik, həmvətənlərimiz üçün yaxşı örnəkdir. Rusiyalı və azərbaycanlı uşaqlar üçün uşaq bağçasının Azərbaycan prezidenti İlham Əliyevin ad günündə açıldığını vurğulayan səfir azərbaycanlılar adından dövlət başçısına cansağlığı və xoşbəxtlik arzulayıb”.

Ümumrusiya Azərbaycanlıları Konqresinin baş katibi Mikayıl Hüseynov konqresin həmvətənlərimizin təhsil və humanitar layihələrin icrasına yönəlmiş təşəbbüslərini dəstəklədiyini söyləyib: “ÜAK həmvətənlərimizi Rusiya cəmiyyətinin ictimai və sosial həyatında iştirak etməyə həvəsləndirir”.

Uşaq bağçasının baş direktoru Elxan Bənnayev və təsisçilərindən biri İlqar Həmidov çıxışlarında beynəlmiləl xarakter daşıyan, uşaqları tolerantlıq və başqa mədəniyyətlərə hörmət ruhunda tərbiyə edən və ölkəmizin imicinə müsbət təsir göstərəcək uşaq bağçasının yaradılması ideyasından danışıblar.

Sonra Heydər Əliyev Fondunun RF nümayəndəliyinin əməkdaşı Ayan Həsənova Fondun vitse-prezidenti Leyla Əliyevanın təbrik məktubunu oxuyub.