Diaspor

Ana səhifə

Diaspor

Almaniyada Güney Azərbaycan Milli Azadlıq Cəbhəsinin II qurultayı keçirilib

11 yanvar 2012 00:44 (UTC +04:00)

Bakı-АПА. Güney Azərbaycan Milli Azadlıq Cəbhəsinin (GAMAC) II qurultayı Almaniyanın Köln şəhərinin “Youth Hostel”(Gənclər Evi) binasında keçirilib.
GAMAC-dan APA-ya verilən xəbərə görə, dünyanın müxtəlif ölkələrində yaşayan azərbaycanlıların qatıldığı qurultay Güney Azərbaycan milli hökumətinin himni və GAMAC başqanı professor Qulamrza Səbri Təbrizinin çıxışı ilə başlayıb.
Qurultay iştirakçılarına GAMAC-ın idarə heyətinin üzvləri tərəfində təşkilatın 16 aylıq fəaliyyəti ilə bağlı hesabat, görülən işlərlə bağlı geniş açıqlama və rəsmi sənədlər təqdim olunub.
Sonra GAMAC-ın Əsasnamə və Nizamnaməsinə əlavə və dəyişikliklər qəbul olunub və yeni İdarə heyətinin seçkiləri keçirilib.
Qurultay iştirakçılarına həbsdə olan milli fəallarla bağlı, Urmu gölü, həmçinin Cəbhənin ikinci qurultayının siyasi qətnaməsini qəbul ediblər.
Bundan sonra Güney Azərbaycan Milli Azadlıq Cəbhəsinin gələcək fəaliyyəti, təşkilatlanma, təşkilatlararası əlaqələr, Azərbaycan təşkilatlarına üzvlərin cəlb olunması və Azərbaycan milli hərəkatı ilə bağlı digər önəmli məsələlər qurultayda müzakirə olunub. Qulamrza Səbri Təbrizi altı ay müddətinə GAMAC-ın başqanı seçilib.