Diaspor

Ana səhifə

Diaspor

ABŞ-dakı Azərbaycan və türk icmasının nümayəndələri Texas qubernatorunun Türkiyənin ünvanına səsləndirdiyi son fikirlərə etiraz ediblər

18 yanvar 2012 08:59 (UTC +04:00)

Bu şərhlər Cənubi Karolinada respublikaçıların prezident seçkisi debatlarında səsləndirilib.

APA-nın Vaşinqton müxbirinin verdiyi məlumata görə, qubernator Perri Türkiyənin demokratik yolla seçilmiş hökumətini təhqir etməklə və bu ölkənin NATO-da üzvlüyünü təhdid etməklə amerikalı türkləri və xarici siyasət və diplomatiya sahəsində təhsil alan tələbələri təhqir edib.

“Biz həvəslə qubernator Perrini ABŞ-Türkiyə münasibətlərinin əsil dəyəri barədə maarifləndirə bilərik”.

Diaspor nümayəndələri xatırladır ki, Türkiyə ABŞ-ın Əfqanıstanda və İraqda səylərinə böyük dəstək verib. Türkiyə üç dəfə Əfqanıstandakı NATO qoşunlarına komandanlıq edib və ABŞ qoşunları İraqda olarkən onların maddi-texniki təchizatının 70 faizini təmin edib.

Amerika Türk Koalisiyasının prezidenti Linkoln Makkördi və Amerika Türk Assambleyasının prezidenti Ergün Kırlıkovalı bildiriblər ki, Türkiyə bu mürəkkəb, çoxqütblü dünyada, xüsusilə də Yaxın Şərq, Mərkəzi Asiya, Afrika, Qafqaz və Balkanlarda ABŞ-ın mühüm tərəfdaşıdır.