Diaspor

Ana səhifə

Diaspor

Moskvada Ümumrusiya Azərbaycan Konqresi tərəfindən təsis olunan Heydər Əliyev adına mükafatın təqdimat mərasimi keçirilib - FOTOSESSİYA

Moskvada Ümumrusiya Azərbaycan Konqresi tərəfindən təsis olunan Heydər Əliyev adına mükafatın təqdimat mərasimi keçirilib - <font color=red>FOTOSESSİYA</font>

10 may 2012 14:45 (UTC +04:00)

APA-nın Moskva müxbirinin verdiyi məlumata görə, təqdimat mərasimində Azərbaycanın Rusiyadakı fövqəladə və səlahiyyətli səfiri Polad Bülbüloğlu, ÜAK-ın baş katibi Mikayıl Hüseynov, İTAR-TASS agentliyinin direktoru Vitali İqnatenko, Lomonosov adına Moskva Dövlət Universitetinin rektoru Vikator Sadovniçi və Rusiya ictimaiyyətinin nümayəndələri iştirak ediblər.

ÜAK-ın baş katibi Mikayıl Hüseynov bu qurumun Heydər Əliyevin təşəbbüsü əsasında yaradıldığını söyləyib: “Biz düşünürük ki, bu mükafatı təqdim etmək hüququ məhz Ümumrusiya Azərbaycan Konqresinə məxsusdur”.

Mərasimdə çıxış edən səfir Polad Bülbüloğlu Heydər Əliyevin müasir Azərbaycanın memarı olduğunu söyləyib: “Bu gün ölkəmizin uğurları onun strategiyasının düzgün seçildiyini təsdiq edir”. Səfir Azərbaycan və Rusiya arasında bütün sahələrdə əməkdaşlığın yüksək səviyyədə olduğunu bildirib.
Daha sonra Heydər Əliyev adına təsis olunmuş mükafat təqdim olunub.
İki ölkə arasında mədəni, humanitar və siyasi əlaqələrin möhkəmləndirilməsində və inkişaf etdirilməsində oynadığı rola görə, İTAR-TASS Dövlət Agentliyinin direktoru Vitali İqanatenko, Moskva Dövlət Universitetinin rektoru Viktor Sadovniçi, Rusiya Dövlət Humanitar Universitetinin rektoru Yefim Pivovar, Rusiyanın xalq artisti Andrey Petrov, YUNESKO-nun eksperti, M.İ. Rudomin adına Ümumrusiya Dövlət Kitabxanasının baş direktoru Yekaterina Qeniyeva Heydər Əliyev adına mükafata layiq görülüblər.