Bakı. Məlahət Nəcəfova - APA. Türkiyə və Azərbaycanın ABŞ-dakı diaspor qurumları Respublikaçılar Partiyasından olan Çak Hegelin müdafiə naziri təyin edilməsini dəstəkləmək məqsədilə Senata məktub göndərib.
APA-nın məlumatına görə, Türk Amerikan Dərnəkləri Assambleyası, Türk Amerikan Dərnəkləri Federasiyası, Amerika Azərbaycan Cəmiyyəti və Azərbaycan-Amerika Şurası tərəfindən təşkil olunmuş məktub kampaniyasında senatorlar türklərin güclü müdafiəçisi olan Hegelin müdafiə naziri kimi təsdiqlənməsinə çağırılır.
Qeyd edək ki, Hegel 1915-ci il hadisələri ilə bağlı Türkiyəni dəstəkləmə mövqeyindən çıxış edir. Bu hadisələrin tarixçilər tərəfindən araşdırılmasını vacib hesab edən Hegel bu görüşləri səbəbindən erməni diasporu tərəfindən hər zaman boykot edilir. Türk və Azərbaycan diaspor üzvləri tərəfindən senatorlara göndərilən məktublarda Hegelin siyasi karyerası boyunca ABŞ-ın Türkiyə və Azərbaycana yönəlmiş siyasətini dəstəklədiyi, ABŞ-dakı erməni diasporunun təsirinə düşməyərək ABŞ-ın Azərbaycan etdiyi yardımların kəsilməsinə qarşı çıxdığı bildirilir.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
