Bakı. Könül Cəfərli – APA. Diasporla İş üzrə Dövlət Komitəsinin sədri Nazim İbrahimov İranın Azərbaycandakı səfiri Möhsün Pak Ayini qəbul edib. APA-nın “Fars” xəbər agentliyinə istinadən verdiyi məlumata görə, görüşdə ikitərəfli əlaqələrin daha da inkişaf etdirilməsi əsas müzakirə mövzusu olub. Eyni zamanda Dağlıq Qarabağ münaqişəsi də müzakirə edilib.
M. Pak Ayin İranın birtərəfli qaydada Azərbaycan vətəndaşlarına qarşı viza tətbiqini ləğv etməsini Azərbaycan vətəndaşlarının turizm və müalicə məqsədli səfərlərinə rahatlıq yaratmaq istiqamətində müsbət bir addım kimi qiymətləndirib.
N. İbrahimov isə öz növbəsində iki qonşu ölkənin xalqları arasındakı əlaqələrin inkişafına toxunaraq, Azərbaycan tərəfinin İranla ikitərəfli əlaqələri inkişaf etdirmək istədiyini vurğulayıb.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
