Bakı-APA. Strasburqdakı «Azərbaycan Evi» Xocalı faciəsinin 21-ci ildönümü ilə bağlı şəhərin Kleber meydanında (Place Kleber) mitinq keçirib. Strasburq “Azərbaycan Evi”ndən APA-ya verilən məlumata görə, "Azərbaycan Evi"nin təşkil etdiyi tədbirdə Azərbaycanla Mədəni Əlaqələr Cəmiyyəti, Azərbaycan Kültür Cəmiyyəti və Fransadakı Azərbaycanlı Tələbələr Assosiasiyası da yaxından iştirak edib.
Ermənilərin törətdikləri Xocalı soyqırımı barədə həqiqətləri fransız xalqına çatdırmaq üçün tərtib olunan fəaliyyət proqramı üzrə geniş təbliğat işləri aparılıb.