Bakı – APA. TÜRKPA-nın dördüncü plenar sessiyasına hazırlıq məqsədilə TÜRKPA baş katibi Ramil Həsənovun may 17-də Qırğızıstan parlamentinin sədri Asilbek Jeenbekovla görüşü nəzərdə tutulur.
APA-nın xəbərinə görə, görüşdə TÜRKPA-nın fəaliyyəti, beynəlxalq katiblik tərəfindən il ərzində görülmüş işlər, beynəlxalq təşkilatlar ilə qarşılıqlı əməkdaşlıq istiqamətində həyata keçirilən layihələr və gələcək planların müzakirə edilməsi planlaşdırılır.
Eyni zamanda iyunun 10-12-də Ankara şəhərində keçiriləcək TÜRKPA-nın dördüncü plenar sessiyasına hazırlıq prosesi ilə bağlı fikir mübadiləsinin aparılması nəzərdə tutulur.
Səfərdə TÜRKPA baş katibini təşkilati və administrativ işlər departamentinin müdiri Ələsgər Ağayev müşayiət edəcək.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
