"Daha çox testlər, daha az antidopinq qaydaları pozuntusu olan il oldu".
Apasport.az saytının məlumatına görə, bunu Azərbaycan Milli Antidopinq Agentliyinin (AMADA) baş direktoru Şəfəq Hüseynli deyib.
O, ilin yekunları bağlı keçirilən mətbuat konfransında bildirib ki, AMADA Azərbaycan idmançılarının beynəlxalq arenalarda qayda pozuntusu olmadan iştirakı üçün bütün gücü ilə çalışır: "2019-cu ildə AMADA 1350 dopinq testi götürüb. Onlardan 549-u yarış müddətində, 801-i yarışdan kənarda götürülüb. Milli Test Proqramı çərçivəsində testlərin sayı 2018-ci ildə 863, 2017-ci ildə isə 435 təşkil edib. 2019-cu ildə AMADA tərəfindən keçirilən testlərin sayı əvvəlki illə müqayisədə 56,4 faiz, 2017-ci illə müqayisədə 3,1 dəfə artıb".
Ş. Hüseynlinin sözlərinə görə, bu il 16 qayda pozuntusu aşkar edilib: "Araşdırmalar davam edir və tam dəqiq rəqəm növbəti ilin ilk aylarında məlum olacaq. Bu qayda pozuntularından 4-ü ağır atletikada, 4-ü boksda, 2-si karatedən, 2-si günəşdə, 1-i samboda, 1-i cüdoda və 1-i atletikada qeydə alınıb".
Qeyd edək ki, 2018-ci ildə 27, 2017-ci ildə isə 22 antidopinq dayda pozuntusu qeydə alınıb.
AMADA-nın baş direktoru: "Bu il 16 qayda pozuntusu aşkarlanıb"
26 dekabr 2019 12:13 (UTC +04:00)
Digər növlər
Mingəçevir Avarçəkmə üzrə “Prezident kuboku"na hazırdır
10:32
30 aprel 2024
Azərbaycanın qadın şahmatçısı Avropa çempionu olub
17:21
29 aprel 2024
Bakı Marafonuna 15 mindən çox iştirakçı qoşulub
21:40
26 aprel 2024
Dövlət qurumlarının əməkdaşları arasında yarışın qalibləri məlum olub
17:27
22 aprel 2024