Basketbolun 3X3 növü üzrə kişilərdən ibarət Azərbaycan millisinin heyəti açıqlanıb. Apasport.az saytının məlumatına görə, komandamızın baş məşqçisi Samit Nuruzadə Bakıda keçiriləcək İslam Həmrəyliyi Oyunlarında güvənəcəyi heyəti müəyyənləşdirib.
Gənc çalışdırıcı İslamiadada 2 yerli və 2 legioner oyunçuya güvənəcək. Belə ki, Nuruzadə 1 il öncə Avropa çempionatında ümidləri doğrultmayan “dördlüy”ə yenidən dəvət göndərib. O, Oyunlar üçün Amil Həmzəyev, Zaur Paşayev, David Barbakadze və Marşall Mozesi sifariş edib.
Qeyd edək ki, Azərbaycan İslamiadada A qrupunda yer alıb. Komandamız mayın 18-də start götürəcək yarışda Türkiyə, Türkmənistan, Səudiyyə Ərəbistanı və Pakistanla gücünü yoxlayacaq. Yarışın qalibi mayın 21-də bilinəcək.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
