Din

Ana səhifə

Din

Hidayət Orucov Los-Anceles Tolerantlıq Mərkəzinin rəhbəri ilə görüşüb

23 iyul 2008 13:12 (UTC +04:00)

Bakı. Elbrus Seyfullayev - APA. Dini Qurumlarla İş üzrə Dövlət Komitəsinin sədri Hidayət Orucov Los-Anceles Tolerantlıq Mərkəzinin rəhbəri, ravvin Abraham Kuperi qəbul edib.
Dövlət Komitəsindən APA-ya daxil olan məlumata görə, H. Orucov Azərbaycan dövlətinin dini dəyərlərin qorunmasına, dini etiqad azadlıqlarının təmin olunmasına kifayət qədər şərait yaratdığını deyib. O bildirib ki, Azərbaycanda yaşayan yəhudilərin heç nədən narazılığı yoxdur: “Azərbaycanın Quba rayonundakı “Qırmızı qəsəbə” yaşayış məskəni İsraildən sonra yəhudilərin kompakt yaşadığı ikinci məkandır. Azərbaycan tarixən sivilizasiyaların qovşağı olub”. Azərbaycanda dövlət qeydiyyatından keçmiş 32 qeyri-islam dini icmasından 8-nin yəhudi icması olduğunu vurğulayan komitə sədri ölkədə 5 sinaqoqun fəaliyyət göstərdiyini, yəhudilərin dini ibadətlərini və ayinlərini yerinə yetirmələri üçün dövlət tərəfindən hər cür şərait yaradıldığını qonağın diqqətinə çatdırıb. A. Kuper isə deyib ki, Azərbaycandakı millətlərarası və dinlərarası münasibətlər, tolerantlıq mühiti təkcə region üçün deyil, bütün dünyaya nümunə ola biləcək səviyyədədir.