Din

Ana səhifə

Din

Dini Qurumlarla İş üzrə Dövlət Komitəsinin təmsilçisi: “Son zamanlar Gəncədə “Yəhova şahidləri”nin sıraları genişlənib”

19 yanvar 2009 11:34 (UTC +04:00)

Gəncə. Nəzakət Məşədiəliqızı-APA. Gəncə şəhərində 80-ə “Yəhova şahidləri” saxlanılıb. APA-nın qərb bürosunun verdiyi məlumata görə, Gəncənin “Sevinc” qəsəbəsində qanunsuz fəaliyyət göstərən dini icmanın bir qrup üzvü Kəpəz rayon Polis Şöbəsinin əməkdaşları ilə Dini Qurumlarla İş üzrə Dövlət Komitəsinin Qərb bölgəsi üzrə şöbə əməkdaşlarının keçirdikləri birgə əməliyyat nəticəsində tutulublar.
Dini Qurumlarla İş üzrə Dövlət Komitəsinin Qərb bölgəsi üzrə şöbəsinin rəisi Firdovsi Kərimov APA-nın yerli bürosuna bildirib ki, saxlanılan “Yəhova şahidlərı” nin arasında Bakı sakinləri də olub: “2005-ci ildə Gəncə şəhərində onların sayı 43 nəfər idi. İcma üzvləri son zamanlar təbliğatı gücləndirdikləri üçün sıraları genişlənib. Onlar son zamanlar qapı-qapı gəzərək kitablar paylayırlar. İcma daima bir yerdə fəaliyyət göstərmədiyi ucun biz onların qarşısını çətinliklə alırıq”.
Qanunsuz fəaliyyət göstərən icmanın üzvləri Kəpəz rayon Polis Şöbəsinə aparılıblar və onların fəaliyyətinə qadağa qoyulub.
Qeyd edək ki, Gəncədə qeydiyyatdan keçmiş 14 dini icma fəaliyyət göstərir.